Mae Taro’r Targed wedi’i gynllunio fel dull strategol o addysgu sgiliau iaith a llythrennedd ar gyfer dysgwyr rhwng 3 - 16 oed. Fe’i cynlluniwyd i gefnogi’r Fframwaith Llythrennedd a’r Cwricwlwm i Gymru. Mae’r pwyslais ar sicrhau bod y sgiliau’n cael eu cyflwyno’n systematig, cam wrth gam, er mwyn datblygu iaith a llythrennedd pob dysgwr yn llwyddiannus.

Mae’r Cynllun Peilot hwn yn cynnig detholiad o’r gweithgareddau y bwriedir eu creu ar gyfer y pecyn terfynol. Mae’r detholiad yn cynnwys sampl o’r gweithgareddau a fydd yn cael ei baratoi ar gyfer dysgwyr sy’n rhan o’r cyfnod pontio rhwng yr ysgol gynradd a’r ysgol uwchradd (9-12 oed).